ᐃᓕᓐᓂᐊᓂᖅ ᓄᓇᕕᒻᒥ

ᐃᓕᓐᓂᐊᓂᖅ

1978-ᒥᓂᑦ ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓐᓂᐊᓂᕐᒥᒃ ᑲᒪᒋᔭᖃᓲᖅ ᓄᓇᕕᒻᒥᐅᓄᑦ. ᐃᓕᓐᓂᐊᑎᑦᓯᒍᑎᖃᕐᑐᑦ ᓄᓇᓕᓐᓂ 14-ᓂ ᓄᓇᕕᒻᒥ, ᐃᓄᒃᑎᑐᑦ ᐅᖃᐅᓯᕐᖄᖑᑎᓪᓗᒍ ᐊᒻᒪᓗ ᒍᐃᒍᐃᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᐅᑉ ᐁᑉᐱᐅᑎᒋᔭᒋᓐᓂ. ᑲᑎᕕᒃ ᐃᓕᓴᕐᓂᓕᕆᓂᖅ ᐱᖓᓱᐃᓕᖓᓗᐊᖕᖑᐊᑐᖅ: ᐃᓕᓐᓂᐊᕕᑐᐃᓐᓀᑦ, ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖓ ᐱᒋᐅᕐᓴᑎᑦᓯᓂᕐᓗ ᐊᒻᒪᓗ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᓂᖅ ᐃᑲᔪᕐᓯᓯᒪᓲᑦ ᐃᓕᓐᓂᐊᑐᓂᒃ ᓄᓇᕕᒻᒥᐅᓂᒃ ᐃᓚᐅᔪᓂᒃ ᐊᖏᖃᑎᒌᓐᓂᒧᑦ.

ᑲᑎᕕᒃ ᐃᓕᓴᕐᓂᕆᓕᓂᐅᑉ ᖃᕆᑕᐅᔭᒃᑯᑦ ᓴᕐᕿᔮᕐᑎᑕᖏᑦ ᑕᑯᒋᐊᕐᓗᒋᑦ ᐃᓕᓐᓂᐊᕈᓐᓇᑕᑎᑦ ᐱᒋᐅᕐᓴᔭᐅᒍᑎᒋᒍᓐᓇᑕᑎᓪᓗ.

Education

Student

Teachers

ᓄᓇᕕᒻᒥ ᐃᓕᓐᓂᐊᓂᕐᒥᒃ ᐱᒍᑦᔨᕕᒃ

ᑰᒃᔪᐊᒥ ᑲᑎᕕᒃ ᐃᓕᓴᕐᓂᓕᕆᓂᖅ ᐊᓪᓚᕕᖃᕐᑐᖅ ᐃᓕᓐᓂᐊᕈᑎᑦᓴᓕᐅᕐᕕᒥᒃ, ᐱᓇᓱᐊᓲᖏᑦ ᓀᓪᓕᑎᕐᓯᒪᑎᓪᓗᒋᑦ ᐃᒣᓕᖓᔪᑦ:

ᓄᓇᕕᒻᒥ ᐃᓕᓐᓂᐊᑏᑦ

ᐃᓕᓐᓂᐊᑎᑦᓯᒍᑎᓕᒫᑦ ᑲᑎᑦᓱᒋᑦ, 30% ᓄᓇᕕᒻᒥᐅᑦ ᐃᓕᓐᓂᐊᑎᐅᓲᑦ. ᓄᓇᕕᒻᒥᐅᑦ ᐊᒥᓲᓂᕐᓭᑦ ᐅᑭᐅᖃᕐᒪᑕ 25 ᐊᑖᓂ regular sector students, as well as the vast majority of their parents, belong to this group.

ᓯᕗᓪᓕᐅᑫᓐᓇᑐᖅ

Testimonials

ᐊᐅᓚᔨᓗᐊᖕᖑᐊᑕᕋᓕ ᐃᓕᓐᓂᐊᓱᖓ ᐃᓱᒪᒋᒋᐊᖕᖓᓯᒪᔭᕋᓂᒃ ᒪᓂᔨᑦᓱᖓ ᖄᖏᕐᓂᑯᓕᐅᒐᓱᐊᕈᑎᒋᒍᒪᒐᔭᕐᑕᕋᓂᒃ ᐊᑎᐊᓪ ᔮᓴᒧᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ ᐱᑦᓯᐊᒍᓇᐅᓕᕇᕐᓱᓂᓗ. ᑌᒪ ᐃᒣᓘᒋᐊᖃᓛᓕᕆᕗᖓ ᐃᓕᓐᓂᐊᓗᖓ ᐊᓪᓚᖑᒃᑫᓂᕐᒥᒃ ᐱᒃᑲᕆᑦᓯᓕᐅᒥᒍᑎᒋᓗᒋᑦ. ᐅᕕᒃᑲᓄᑦ ᐅᖃᐅᑦᔫᓯᒐᓕ: ᓄᕐᖃᑎᑕᐅᑦᓴᖃᑦᑕᕋᓯ ᐊᑑᑎᒍᒪᔭᓯᓐᓂᒃ ᑲᔪᓯᑦᓴᓂᐊᕐᓗᒍ ᐱᔪᒪᔦᑦ.

ᔮᓇᓯ ᐹᓴᓐ, 2022 ᐳᕐᑐᓂᕐᓴᒥᒃ ᐱᔭᕇᕐᑐᕕᓂᖅ

Testimonials

ᐊᓕᐊᒋᓂᕐᐹᕆᓚᐅᕐᑕᕋᓕ ᐃᓕᓐᓂᐊᓱᒋᒃ ᐃᓅᖃᑎᒋᓐᓂᓕᕆᓂᖅ ᐃᓄᒃᑎᑑᕐᓂᓗ. ᐊᐅᓚᔨᓗᐊᖕᖑᐊᑕᕋ ᐳᕐᑐᓂᕐᓴᒦᑦᓱᖓ ᖃᓂᑕᖃᓪᓚᕆᒋᐊᒥᒃ ᐃᓕᓐᓂᐊᑎᑦᓯᔨᒃᑲᓂᒃ ᑲᑦᓱᙰᓕᓭᓂᕆᓚᐅᕐᑕᖏᓪᓗ, ᐃᓚᐅᖃᑕᐅᓂᕆᓚᐅᕐᑕᕋᓗ ᐊᐅᐸᓘᑉ ᐸᑦᑕᑎᖏᓐᓄᑦ ᐃᓕᒋᔭᐅᒋᐊᖅ. ᐅᐱᒋᔭᖃᓪᓚᕆᒃᑯᖓ ᐊᒥᓱᐃᓂᒃ ᐊᔪᐃᓐᓈᕆᓚᐅᕐᑕᑲᓂᒃ ᐱᔭᕇᓚᐅᕆᐊᒥᒃ. ᐃᙯᓕᓴᕐᑎᓯᔨᐅᒍᒪᓛᕐᓂᖃᕐᖁᖓ, ᒫᓐᓇᓴᐅᑎᒋᐅᖕᖏᑑᒐᓗᐊᖅ. ᐅᖃᐅᑦᔪᐃᒍᒪᕗᖓ ᐅᕕᒃᑲᓂᒃ ᐃᒫᒃ ᐃᓕᓐᓂᐊᓃᑦ ᓵᖓᓯᐊᕐᓗᒍ. ᑲᔪᓯᑦᓭᓇᕐᓗᑎᓗ ᐱᑦᓯᐊᓭᓐᓇᓗᒋᑦ ᐊᒻᒪᓗ ᐊᓕᐊᒍᑎᒋᑦᓴᖓᔦᓛᕋᕕᐅᒃ!

ᑏᓯ ᓘᑲᓯ 2022 ᐳᕐᑐᓂᕐᓴᒥᒃ ᐱᔭᕇᕐᑐᕕᓂᖅ

Testimonials

ᐱᔭᕇᕐᓂᖃᕋᑖᓚᐅᕐᖁᖓ ᓄᓇᕕᒃ ᓯᕗᓂᑦᓴᕗᒻᒥᑦ. ᐊᓕᐊᒋᔭᕆᓂᕐᐹᕆᓚᐅᕐᑕᕋ ᑕᑯᔭᑦᓴᓂᒃ ᐱᖕᖑᐃᒋᐊᒥᒃ. ᐃᕐᖃᐅᒪᓂᕐᐹᕋᓕ ᐃᓕᓐᓂᐊᖃᑎᒃᑲᓗ ᒪᙯᖃᑎᒌᓐᓂᕆᓚᐅᔪᔭᕗᑦ ᐱᖑᐊᓗᐃᑦ ᒥᕐᖑᐃᓯᕐᕕᖓᓅᕌᓗᑦᓴᓱᑕ. ᐅᐱᒋᓪᓚᕆᑦᑕᕋ ᐱᔭᕇᓚᐅᕋᒃᑯ ᓄᓇᕕᒃ ᓯᕗᓂᑦᓴᕗᑦ. ᒫᓐᓇᓕ, ᐊᓂᕐᕋᓛᕆᐊᒥᒃ ᕿᓚᓈᕐᑐᖓ. ᓱᑦᓴᓛᕆᐊᒥᒃ ᑐᑭᑖᕐᓯᒪᑦᓴᐅᑎᒋᖕᖏᑲᓗᐊᕐᓱᖓ. ᐅᖃᐅᓯᑦᓴᖃᕐᕕᖃᕐᑐᖓᓕ ᐅᕕᒃᑲᓄᑦ ᐳᕐᑐᓂᕐᓴᒦᑦᑐᓄᑦ ᑲᔪᓯᑦᓭᓇᖁᑦᓱᒋᑦ ᐳᕐᑐᓂᕐᓴᒋᐊᓪᓚᒨᓛᖁᑦᓱᒋᓪᓗ ᐃᓕᓐᓂᐊᕆᐊᕐᓗᑎᒃ.

ᑫᓚᐱ ᓯᒣᓗ, 2022 ᐳᕐᑐᓂᕐᓴᒥ ᐱᔭᕇᕐᑐᕕᓂᖅ

Testimonials

ᐊᐃ, ᑯᕆᐊᑯᕆᐅᕗᖓ ᐱᔭᕇᖃᑕᐅᕐᖃᒥᓚᐅᕆᕗᖓ ᐳᕐᑐᓂᕐᓴᒥ ᑕᓪᓕᒪᒥᒃ ᐃᓱᒻᒪᓴᕐᕕᐅᑉ ᐃᓕᓐᓂᐊᕕᖓᓂ ᖁᐊᕐᑕᒥ. ᑯᐯᒃ ᓯᑎᒥᐅᖑᓯᒪᑦᓱᖓ. ᐊᓕᐊᒋᓂᕐᐹᕆᓚᐅᕐᑕᕋᓕ ᑕᑕᓐᓇᑐᔪᒥᒃ ᐃᓗᕐᕈᓯᓐᓂᐊᕕᓕᐊᖃᑕᐅᒋᐊᒥᒃ ᓴᓇᑦᑐᓴᐅᑎᓕᕆᓂᕐᒥᓗ, ᐊᓕᐊᒋᔭᖃᕋᓗᐊᕋᒥ ᐱᓇᓱᐊᕆᐊᒥᒃ ᑎᑭᐅᑎᒋᐊᒥᓪᓗ ᑐᕌᒐᕆᔭᕋᓄᑦ. ᐊᐅᓚᔨᔭᙯᓐᓇᕙᑦᑐᖓ ᑭᐅᒻᒥᒃ ᐃᓕᓭᔨᖃᕆᐊᒥᒃ ᓴᓇᑦᑐᓴᐅᑎᓕᕆᓂᕐᒥᒃ ᑲᑦᓱᙰᓕᓭᖏᓐᓇᖃᑦᑕᓚᐅᕐᒪᑦ ᐅᕙᓐᓂᒃ ᐊᔪᐃᓐᓈᕆᔭᖃᓚᐅᕐᒪᓗ ᐃᓕᑦᓯᒍᓐᓇᓂᕋᐃᕙᑦᓱᓂ. ᐅᐱᒍᓱᓪᓚᕆᒃᑯᖓ ᐱᔭᕇᒍᓯᖃᑕᐅᒋᐊᒥᒃ ᐱᐊᕋᕐᑖᒋᐊᕕᑦᓱᖓ. ᑲᑦᓱᙰᓕᓭᖃᑕᐅᕗᖓ ᓄᓇᕕᒻᒥᐅᓕᒫᓂᒃ ᐱᔪᒪᔭᓯᓐᓂᒃ ᐊᔪᐃᓐᓈᕆᖁᔨᑦᓱᖓ ᐃᓕᓐᓂᐊᓂᒃᑯᑎᒍᑦ ᐃᑉᐱᓂᐊᕐᓂᖃᖕᖏᒪᑦ ᐊᑦᔨᖓᓂᒃ ᐊᓂᒍᐃᔪᖃᓕᕋᒥ ᑐᕌᒐᒋᔭᐅᔪᒥᒃ.

ᑯᕆᐊᑯᕆ ᑲᖕᔪ, 2022 ᐳᕐᑐᓂᕐᓴᒥ ᐱᔭᕇᕐᑐᕕᓂᖅ

Testimonials

ᔮᓐ ᐸᑦᑐᕆᒃ ᓚᖕᑯᐊ-ᖑᕗᖓ. ᐳᕐᑐᓂᕐᓴᒥ ᐃᓕᓐᓂᐊᓱᖓ ᐊᓕᐊᒋᔭᖃᓚᐅᕐᖁᖓ ᐃᓕᓐᓂᐊᕆᐊᒥᒃ ᐃᕐᖃᓇᕐᑐᓕᕆᓂᕐᒥᒃ ᒫᓐᓇᓗ ᓇᒻᒥᓂᒃ ᖄᖏᕐᓂᑯᓕᐅᕋᓱᐊᕐᓂᓕᐊᕋᓂᒃ. ᐊᐅᓚᔨᔭᖃᓗᐊᖕᖑᐊᐳᖓᓕ ᐳᕐᑐᓂᕐᓴᒦᑦᓱᖓ ᐱᔭᕇᒍᓯᕐᓱᖓ, ᐊᓕᐊᓇᓪᓗᑐᓚᐅᕐᑐᖅ ᐃᓚᒃᑲ ᐊᓕᐊᓱᒍᑦᔨᒋᐊᖏᑦ ᐅᕙᓐᓂᒃ. ᐅᐱᒋᔭᖃᓪᓚᕆᑦᓱᖓᓗ ᓅᒋᐊᒥᒃ ᑰᒃᔪᐊᒧᑦ ᐅᒃᑯᐃᓯᒋᐊᒥᓪᓗ ᓄᑖᒥᒃ ᑳᐱᑐᕐᕕᓴᒥᒃ ᑕᒫᓂ ᐱᒍᑦᔨᒋᐊᒥᓪᓗ ᐃᓄᓐᓂᒃ ᐱᐅᔪᔭᒥᒃ ᑳᐱᖃᒃᑫᓂᒃᑯᑦ. ᐊᓯᐊᒍᓪᓕ, ᓱᓛᕆᐊᕋᓂᒃ ᖃᐅᔨᒪᓪᓗᑐᖕᖏᑲᓗᐊᕐᓱᖓ, ᑭᓯᐊᓂ ᓂᕆᐅᓐᓂᖃᕐᑐᖓ ᐊᓕᐊᓇᓛᕆᐊᖓ. ᐅᖃᐅᑦᔪᐃᒍᒪᕗᖓ ᐊᓯᒃᑲᓂᒃ ᐱᓇᓱᐊᑦᓯᐊᓭᓐᓇᖃᑦᑕᖁᓪᓗᒋᑦ ᓴᐱᓕᕐᑌᓕᓗᓯ ᑕᑯᒍᒪᒐᔭᕐᑕᓯᓐᓂᒃ.

ᔮᓐ ᐸᑐᕆᒃ ᓚᖕᑯᐊ ᐅᙯᑦᑐᖅ, 2022 ᐳᕐᑐᓂᕐᓴᒥ ᐱᔭᕇᕐᑐᕕᓂᖅ

Testimonials

ᐳᕐᑐᓂᕐᓴᒥᒃ ᐱᖓᓱᒦᑦᓱᖓ ᐊᓕᐊᒋᔭᖃᓪᓚᕆᓚᐅᔪᕗᖓ ᒪᕐᓯᐊᓪ ᑲᐅᑎᐊᒥᒃ ᐃᓕᓐᓂᐊᑎᑦᓯᔨᖃᕆᐊᒥᒃ ᐃᓄᒃᔪᐊᒥ; ᐊᓕᐊᓇᕐᑑᑫᓚᐅᕐᒪᑦ ᐃᑲᔪᕐᓯᖃᑦᑕᓱᓂᓪᓗ ᐳᕐᑐᓂᕐᓴᒦᓐᓂᓕᒫᕆᓯᒪᔭᒃᑲᓂᓪᓗ ᐊᐅᓚᔨᓇᕐᓂᐸᐅᒃᑫᓚᐅᕐᒪᑦ. ᐅᐱᒋᔭᖃᕐᐳᖓ ᐱᒍᓐᓇᓯᓕᐅᒥᓯᒪᒋᐊᒥᒃ ᓴᓇᑦᑐᓴᐅᑎᓕᕆᓂᕐᒥᒃ. ᐱᓇᓱᐊᖃᑎᖃᓛᕆᐊᒥᓪᓗ ᑳᓐᒥᒃ, ᐃᓕᓐᓂᐊᕕᒻᒥᒃ ᐱᐅᓯᖃᑦᓯᐊᑫᔨᐅᓲᒥᒃ, ᐃᓕᓐᓂᐊᓂᖅ ᐊᓂᒍᕐᐸᑦ. ᓄᓇᓕᒐᓃᖏᓐᓇᓛᕈᒪᔪᖓᓕ ᐃᓕᓐᓂᐊᕕᒻᒥᒃ ᐱᔭᕇᒍᓯᕇᕐᓯᒪᓕᕈᒪ.

ᐄᕙ ᓇᐅᔭᑲᓪᓚᒃ 2022 ᐳᕐᑐᓂᕐᓴᒥ ᐱᔭᕇᕐᑐᕕᓂᖅ

ᑭᖑᓪᓕᖅ

ᓄᓇᕕᒻᒥᐃᓕᓐᓂᐊᑎᑦᓯᔩᑦ

ᑲᑎᕕᒃ ᐃᓕᓴᕐᓂᓕᕆᓂᖅ ᐱᓇᓱᑦᑎᖃᕐᑐᖅ, ᐊᐅᓚᑦᓯᔨᓂᒃ, ᐱᓇᓱᑦᑎᑐᐃᓐᓇᓂᒃ, ᐱᒍᓐᓇᐅᑎᓕᓐᓂᒃ ᐃᓕᓐᓂᐊᑎᑦᓯᔨᓂᓪᓗ ᓄᓇᕕᒻᒥ 14-ᓂ ᓄᓇᓕᓐᓂ. 942 ᐱᓇᓱᑦᑎᖏᑦ, 462 ᐃᓕᓐᓂᐊᑎᑦᓯᔩᑦ (36,58% ᐃᓄᑐᐃᓐᓀᑦ). ᑖᒃᑯᐊ ᐱᓇᓱᑦᑏᑦ ᐅᓄᕐᓂᓭᑦ ᓄᓇᕕᒻᒦᑐᑦ, 10% ᒪᓐᑐᕆᐊᓪᒦᑎᓗᒋᑦ. ᒫᑦᔨ 2015-ᖑᑎᓪᓗᒍ ᑲᒥᓴᓀᑦ ᑲᑎᖕᖓᔨᖏᑦ ᐊᖏᖃᑎᒌᓚᐅᔪᒧᑦ ᐊᐅᓪᓛᕋᔭᕐᑎᓗᒍ ᐊᓪᓚᕕᒻᒪᕆᖓ ᑰᒃᔪᐊᒧᑦ ᑰᒃᔪᐊᕌᐱᒻᒧᓗ.

ᐱᒍᓐᓇᑕᑎᑦ ᐱᕙᓪᓕᒋᐊᕐᓗᒋᑦ!

ᐱᒋᐅᕐᓴᔭᐅᒍᑎᐅᒍᓐᓇᑐᑦ ᑕᑯᒋᐊᕐᓗᒋᑦ

ᐋᕐᕿᒋᐊᑦᓯᐊᓗᒍ ᐃᑎᕈᑏᑦ

ᖃᐅᔨᒋᐊᕐᓗᒍ ᖃᕆᑕᐅᔭᑎᒍᑦ ᐊᓪᓚᑖᕈᑏᑦ, ᖃᐅᔨᔪᒍᑦ ᖃᕆᑕᐅᔭᑎᒍᑦ ᐊᓪᓚᑖᕈᑎᑉᐱᑦ ᑐᕌᕈᑎᖓ ᖃᐅᔨᓴᕐᑕᐅᕋᑕᖕᖏᒪᑦ. ᖃᐅᔨᒋᐊᑐᐊᕈᕕᑦ, ᐋᕐᕿᓱᐃᒍᓐᓇᓚᖓᕗᑎᑦ/ᐃᑎᕈᓐᓇᓯᓗᑎᓪᓗ ᐊᓪᓚᑖᕐᕕᓄᑦ ᐊᒥᓱᓄᓪᓗ ᐋᕐᕿᓱᐃᒍᑎᖏᓐᓄᑦ.

Your email has been validated. You can now login as you wish.

ᐊᓪᓚᑖᕐᕕᖃᖕᖏᓇᕕᑦ ᐋᕐᕿᓱᐃᓗᑎᑦ!

ᖃᓄᐃᑦᑑᓂᖓ ᐊᓪᓚᑖᕈᑎᑉᐱᑦ: ᐱᓇᓱᒐᑦᓴᓯᐅᕐᑐᖅ ᑎᒥᐅᔪᖅ

Must contain at least 8 characters, one number, one uppercase letter, one lowercase letter and at least one of these characters: !, @, #, $, %, -, _, =, +, < and >

ᐊᓪᓚᖁᑎᖃᕇᕋᕕᑦ?

ᖃᕆᑕᐅᔭᑎᒍᑦ ᐊᓪᓚᑖᕈᑏᑦ ᐊᓪᓚᖁᑎᑎᓅᓕᖓᔪᖅ ᐊᓪᓚᓗᒍ ᐊᐅᓪᓚᑎᑦᓯᓚᖓᒐᑦᑕ ᐱᑐᒍᑎᖓᓂᒃ ᐋᕐᕿᒋᐊᑦᓯᐊᓂᐊᕋᕕᐅᒃ ᐃᑎᕈᑏᑦ.

ᐊᓪᓚᑖᕐᕕᖃᖕᖏᓇᕕᑦ ᐋᕐᕿᓱᐃᓗᑎᑦ!