ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ ᓴᕐᕿᑎᑕᐅᓯᒪᔪᖅ 1978-ᖑᑎᓪᓗᒍ ᐃᓄᓕᒫᑎᒍᑦ ᐱᒍᑦᔨᒍᑎᓂᒃ ᐱᓇᓱᐊᕐᓂᐊᓗᓂ ᓄᓇᕕᒻᒥ. ᐱᓇᓱᐊᓲᖅ ᐱᓪᓗᑯᒋᐊᓕᑦᑎᒍᑦ ᐃᑲᔪᕐᓯᓯᒪᒍᑎᖃᕐᓱᓂ 14-ᓂ ᓄᓇᓖᑦ ᑲᕙᒫᐱᖏᓐᓂᒃ ᓄᓇᕕᒻᒥ ᐊᐅᓚᑦᓯᓂᕐᑎᒍᑦ ᑮᓇᐅᔭᓕᕆᓂᕐᑎᒍᓪᓗ, ᓄᓇᐅᑉ ᐊᑐᕐᑕᐅᓂᖓᓄᑦ, ᐱᖁᔭᓕᕆᒍᑎᑎᒍᑦ, ᖃᐅᔨᒪᔪᒻᒪᕆᓐᓂᒃ ᐱᓇᓱᐊᕐᑎᓯᓂᑎᒍᑦ ᐃᖏᕐᕋᐅᑎᓕᕆᓂᒃᑯᓗ.

ᑕᕐᕋᒥᐅᑦ ᓂᐱᖓᑦ ᓈᓚᐅᑎᖃᕐᑐᖅ ᓇᒻᒥᓂᖅ ᐊᐅᓚᑕᒥᓂᒃ 2006-ᒥᓂᑦ, ᓄᓇᓕᓕᒫᓄᑦ ᑐᓴᕐᓴᐅᓱᓂ 14-ᓄᑦ, ᐅᔭᕋᓐᓂᐊᕕᒻᒧᓗ ᖃᕆᑕᐅᔭᒃᑯᓗ ᑐᓵᔭᐅᒍᓐᓇᓱᑎᒃ ᐅᕙᓂ www.tni-rtn.com. ᑕᑯᓐᓇᕋᑦᓴᓕᕆᓂᕐᒥᒃ ᐱᓇᓱᐊᓲᖑᒻᒥᔪᖅ ᐃᓄᒃᑎᑑᕐᑐᓂᒃ ᑕᑯᑦᓴᐅᑎᑦᓯᓱᓂ ᓄᓇᓕᓕᒫᓂ.

ᓄᓇᕕᒻᒥ ᐅᕕᒃᑲᓄᑦ ᐱᓇᓱᒐᑦᓴᓕᕆᓂᖅ ᐊᒥᓱᓂᒃ ᐱᒍᑦᔨᒍᑎᖃᓲᖅ ᐅᕕᒃᑲᓄᑦ ᐅᑭᐅᓕᓐᓄᑦ 16-ᒥᑦ 35-ᒧᑦ, ᐃᓚᐅᑎᓪᓗᒍ ᐱᓇᓱᒐᓕᕆᓂᖅ ᐃᓕᓐᓂᐊᓂᒃᑯᓗ ᑭᖕᖒᒪᒋᔭᐅᔪᑦ, ᐊᑕᐅᓯᐅᓈᕐᑎᑐᓂᓪᓗ ᐃᑲᔪᕐᓱᑎᒃ ᑐᕌᒐᓕᐅᖃᑎᒋᑦᓱᒋᑦ ᐱᓇᓱᒐᑦᓴᓯᐅᕐᑐᓂᓪᓗ ᐃᑲᔪᓯᕐᒪᑦᓱᑎᒃ.

ᐅᖃᐅᓯᓕᕆᓂᕐᒥᒃ, ᐃᕐᖃᓇᕐᑐᓕᕆᓂᕐᒥᒃ ᐃᓗᕐᖁᓯᕐᑎᒍᓪᓗ ᐱᓇᓱᐊᖃᕐᑎᓯᒍᑎᖃᕐᓂᒥᒃ, ᐊᕙᑕᖅ ᐱᐅᓯᑐᖃᓕᕆᕕᒃ ᓴᐳᒻᒥᔪᖅ ᐱᓕᓂᐊᕐᑎᐅᓂᕐᒥᒃ ᐃᓄᑐᐃᓐᓀᑦ ᐃᓗᕐᖁᓯᖓᓂᑦ ᐅᓪᓗᒥ ᓯᕗᓂᕐᒥᓗ ᑭᖑᕚᕇᓄᑦ.

1967-ᒥᓂᑦ ᐃᓚᒌᓴᖅ ᑯᐊᐸᓕᕆᓂᕐᒥᒃ ᐱᓇᓱᐊᕐᑕᖃᕐᑐᖅ ᐱᒍᓐᓇᐅᑎᑖᕐᑎᓯᑦᓯᐊᕋᓱᐊᕐᓱᓂ ᐱᒍᑦᔨᒍᑎᖃᕐᓱᓂᓗ. ᐅᓪᓗᒥ ᓄᓇᕕᒻᒥ ᐊᒥᓲᓂᕐᐹᓂᒃ ᐱᓇᓱᑦᑎᖃᖃᑎᐅᔪᖅ, ᓂᐅᕕᐊᑦᓴᓕᕆᔨᐅᑦᓱᓂ ᐱᒋᐅᕐᓴᑎᑦᓯᓱᓂ, ᓴᓇᔨᖃᕐᓱᑎᒃ ᐱᓪᓗᑯᒋᐊᓕᑦᑎᒍᑦ ᐊᐅᓚᑦᓯᓂᓕᕆᓂᕐᒥᓗ ᐃᑲᔪᕐᓯᓯᒪᒍᑎᖃᕐᓱᓂ.

Glencore ᓯᓚᕐᒧᐸᒥ ᐊᖏᓂᕐᐸᐅᖃᑎᐅᔪᖅ ᓄᓇᒦᑦᑐᓂᒃ ᐱᑦᓴᖑᕈᓐᓇᑐᓕᕆᔨᐅᑦᓱᓂ.

Founded in the 1970s as a trading company, it has grown into a major producer and marketer of commodities, employing 160,000 people around the world.

ᑲᑎᕕᒃ ᐃᓕᓴᕐᓂᓕᕆᓂᐅᑉ ᐃᓄᒻᒪᕆᓐᓂᒃ ᐱᒋᐅᕐᓴᑎᑦᓯᓂᕐᒥᓗ ᐱᒍᑦᔨᕕᖓ ᓄᓇᕕᒻᒥᐅᓕᒫᓂᒃ ᐱᒍᑦᔨᓲᖅ.

ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᐊᑐᓂᒃ ᐱᒍᑦᔨᕕᒻᒥ ᐱᓇᓱᑦᑏᑦ ᐃᑲᔪᕐᓯᓯᒪᒍᑎᖃᓲᑦ ᐊᓪᓚᒍᑎᐅᒋᐊᓕᓐᓂᒃ, ᐃᓅᓕᕆᓂᕐᒥᒃ ᐃᓕᓐᓂᐊᕈᑎᑎᒍᓪᓗ ᐃᑲᔪᕐᓯᒪᓂᕐᒥᒃ ᓄᓇᕕᒻᒥᐅᓂᒃ ᐃᓕᓐᓂᐊᑐᓂᒃ ᐳᕐᑐᓂᕐᓴᒋᐊᓪᓚᒥ. ᐃᓕᓐᓂᐊᑎᓂᒃ ᐃᑲᔪᕐᓯᓯᒪᓲᑦ ᐱᒋᐅᕐᓴᔭᐅᒍᑎᒥᓂᒃ ᐱᔭᕇᕋᓱᐊᕐᓂᖏᓐᓂᒃ, ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᓂᖏᓐᓂᒃ ᐃᓕᓐᓂᐊᕕᕐᔪᐊᒥᓗ ᐃᓕᓐᓂᐊᓂᖏᓐᓂᒃ.

ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᑎᓕᔭᐅᓯᒪᒍᑎᖃᕐᐳᑦ ᐊᐅᓚᑦᓯᓂᐊᕐᓗᑎᒃ ᐃᓪᓗᖁᑎᓂᒃ ᑮᓇᐅᑦᔭᓵᖃᖕᖏᑐᓄᑦ ᑮᓇᐅᑦᔭᓵᖃᑦᓯᐊᖏᑦᑐᓄᓪᓗ ᐊᓂᕐᕋᐅᓂᐊᕐᑐᓂᒃ ᐃᓚᒌᓄᑦ 14-ᓂ ᓄᓇᓕᓐᓂ ᓄᓇᕕᒻᒥ. ᑖᒃᑯᐊ ᑎᓕᔭᐅᓯᒪᒍᑎᖃᕐᑐᑦ ᐊᑦᑕᓇᖕᖏᑐᓂᒃ ᐃᓱᐊᕐᑐᓂᒃ ᐃᓪᓗᖃᕐᑎᓯᓂᕐᒥᒃ ᐊᑦᑕᑐᐊᖃᕐᑐᑦ ᑭᖕᖒᒪᒋᔭᖏᓐᓂᒃ ᐊᑑᑎᔭᐅᑎᑦᓯᓂᕐᒥᒃ.

ᐱᓇᓱᒐᑦᓴᓕᕆᕕᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ ᑲᒪᒋᔭᖃᕐᐳᖅ ᑮᓇᐅᔭᖃᕐᑎᓯᓂᕐᒥᒃ ᐱᒍᑦᔨᒍᑎᖃᕐᑎᓯᓂᕐᒥᒃ, ᐱᒋᐅᕐᓴᑎᑦᓯᓂᕐᒥᒃ, ᓂᕿᑖᕈᑎᓕᕆᓂᕐᒥᒃ ᐯᕆᑦᓯᕕᓕᕆᓂᕐᒥᓗ ᓄᓇᕕᒻᒥ ᐃᓄᑐᐃᓐᓀᑦ ᐃᓅᖃᑎᒌᓐᓂᒥᑎᒍᑦ ᑮᓇᐅᔭᑎᒍᓪᓗ ᒪᑭᑉᐸᓕᐊᖁᑦᓱᒋᑦ.

Tᐃᓄᑐᐃᓐᓀᑦ ᓯᕿᓂᕐᒥᐅᑦ ᑲᑐᑦᔨᖃᑎᒌᓐᓂᖓ ᓴᕐᕿᑎᑕᐅᓯᒪᕗᖅ ᐱᓇᓱᐊᕐᓂᐊᑎᓪᓗᒍ ᐊᒥᓱᖕᖑᐸᓪᓕᐊᔪᑦ ᐃᓄᑐᐃᓐᓀᑦ ᓄᓇᕕᐅᑉ ᓯᓚᑖᓂᒥᐅᑦ ᑭᖕᖒᒪᒋᔭᖏᓐᓂᒃ. ᐃᓄᑐᐃᓐᓇᓂᒃ ᐱᒍᑦᔨᓲᖅ ᓴᐳᒻᒥᓱᓂ ᐅᖃᐅᓯᑦᑎᓂᒃ, ᐃᓗᕐᖁᓯᑦᑎᓂᒃ, ᐱᕐᖁᓯᑐᖃᑦᑎᓂᒃ, ᐃᓅᒍᓯᑦᑎᓂᓪᓗ.

ᓴᕐᕿᑎᑕᐅᓯᒪᔪᖅ ᓄᓇᕕᒻᒥ ᓴᓇᔨᓄᑦ ᓴᓇᓂᕐᒥᓗ ᐱᓇᓱᐊᕈᒪᔪᓄᑦ ᑐᕌᖓᑎᓪᓗᒍ, ᓴᓇᔩᑦ ᐱᓇᓱᐊᕐᑕᖃᓲᑦ ᓴᓇᔪᓂᒃ ᐱᓇᓱᑦᑎᓕᕆᓂᕐᒥᒃ ᐱᓇᓱᒐᑦᓴᓯᐅᕐᓱᒋᑦ ᐱᒋᐳᕐᓴᑎᑦᓱᒋᓪᓗ ᓄᓇᓕᓕᒫᓂ ᓄᓇᕕᒻᒥ.

ᒪᑭᕝᕕᒃ ᓄᓇᕕᐅᑉ ᐱᕈᕐᐸᓕᐊᑎᑕᐅᓂᖓᓂᒃ ᐱᓇᓱᐊᖃᑎᐅᓪᓚᕆᑦᑐᖅ, ᐃᓄᑐᐃᓐᓀᑦ ᓄᓇᖓᓂᒃ. ᑎᓕᔭᐅᓯᒪᒍᑎᖃᕐᑐᖅ 1975-ᖑᑎᓪᓗᒍ ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓᒍᑦ ᐱᒍᓐᓇᐅᑎᑖᕆᔭᐅᓯᒪᔪᓂᒃ ᑖᓐᓇ ᓯᕗᓪᓕᐸᐅᑦᓱᓂ ᑲᓇᑕᒥ ᓄᓇᑖᕐᓂᒧᑦ ᐊᖏᖃᑎᒌᒍᑎᐅᓯᒪᔪᖅ.

ᓄᓇᕕᒻᒥ ᐅᕕᒃᑫᑦ ᐃᓪᓗᖁᑎᖏᑦ ᓴᕐᕿᑎᑕᐅᓯᒪᔪᑦ ᓄᓇᕕᒻᒥ ᐃᓗᓯᓕᕆᔨᓄᑦ ᐃᓄᓕᕆᓂᐅᑉ ᐃᓗᓯᓕᕆᓂᐅᓪᓗ ᑐᕐᖃᑕᕐᕕᖓᓄᑦ 2001-ᖑᑎᓪᓗᒍ. ᐱᓇᓱᐊᕐᑎᓯᒍᑎᖃᓲᑦ ᓱᖃᑦᓯᑎᑦᓯᒍᑎᖃᕐᓱᓂᓗ ᐊᑦᑕᓇᖕᖏᑐᒥᒃ ᐃᓂᖃᕐᑎᓯᓂᒃᑯᑦ 6-ᓂᑦ 19-ᒧᑦ ᐅᑭᐅᓕᓐᓂᒃ ᐃᓕᓐᓂᐊᕇᑐᐊᕋᒥᒃ ᐅᐸᑦᑕᐅᒍᓐᓇᑐᓂᒃ, ᐱᓇᓱᐊᕈᓯᐅᑉ ᓄᖕᖑᐊᓂ ᐅᐱᕐᖔᒥᓗ ᕿᑲᕐᓇᓯᐅᕐᓴᐅᓂᖓᓂ.

ᐱᒋᐊᕐᑎᑕᐅᓯᒪᔪᖅ ᓯᑦᑎᒻᐱᕆ 2015-ᖑᑎᓪᓗᒍ, ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᑦ ᐃᓄᑐᐃᓐᓇᓂᒃ ᐱᒍᑦᔨᔨᐅᔪᖅ, ᖄᖏᕐᓂᑯᓕᐅᕐᑎᐅᒐᓂ ᐃᓄᑐᐃᓐᓇᓂᒃ ᐅᕕᒃᑲᓂᒃ ᓄᓇᕕᒻᒥᐅᓂᒃ ᑭᒡᒐᑐᕐᑎᐅᓱᓂ ᓯᓵᓯᐱᒥᐅᓂᓪᓗ ᐅᑭᐅᓕᓐᓂᒃ 15-ᒥᑦ 35-ᒧᑦ.

ᓴᑐᕐᕖᑦ ᑎᓕᔭᐅᓯᒪᒍᑎᖃᕐᑐᑦ ᐊᕐᓇᓂᒃ ᓄᓇᕕᒻᒥᐅᓂᒃ ᑭᒡᒐᑐᕐᓂᐊᓗᑎᒃ ᖃᓄᐃᖕᖏᓯᐊᕆᐊᖃᕐᓂᖓᓂᓪᓗ ᑲᒪᒋᔭᖃᕐᓗᑎᒃ. ᑐᕌᒐᖃᕐᑐᑦ ᐃᓅᖃᑎᒌᓐᓂᑯᑦ-ᑮᓇᐅᔭᑎᒍᑦ ᒪᑭᒐᓱᐊᕈᑎᑎᒍᑦ ᐱᒍᑦᔨᒍᑎᖃᕐᓂᒥᒃ ᐃᑲᔪᕐᓯᒪᓂᕐᒥᓗ ᐊᕐᓀᑦ ᐃᓗᓯᕐᓱᓯᐊᕆᐊᖃᕐᓂᖓᓂᒃ ᐃᓚᒌᓪᓗ.

ᓄᓇᕕᒻᒥ ᐃᓗᓯᓕᕆᔩᑦ ᑎᓕᔭᐅᓯᒪᒍᑎᖃᕐᑐᑦ ᐸᕐᓇᓂᕐᒥᒃ, ᐊᑐᐃᓐᓇᕈᕐᑎᕆᓂᕐᒥᒃ, ᐊᑑᑎᑎᑦᓯᓂᕐᒥᒃ ᓇᐅᑦᓯᑐᕐᓂᒥᓪᓗ ᐱᓇᓱᐊᕐᑎᓯᒍᑎᐅᔪᓂᒃ ᓄᓇᓕᓐᓂ ᓄᓇᓕᖃᕐᓂᒧᑦ ᐃᓗᓯᕐᓱᓯᐊᕐᑐᓂᒃ ᐱᒍᑦᔨᒍᑎᖃᕐᓱᑎᒃ ᐋᓐᓂᐊᓯᐅᕐᑕᐅᒍᑎᓂᒃ ᐃᓄᓕᕆᔭᐅᒍᑎᓂᓪᓗ ᐃᓄᑐᐃᓐᓇᓄᑦ ᑐᖕᖓᕕᒋᑦᓱᒋᑦ ᐱᕐᖁᓯᑐᙯᑦ ᐱᒻᒪᕆᐅᑎᑕᐅᔪᓪᓗ.